اسئله صعبه

السلام عليكم

ازيكو جايبلكم النهارده موضوع صغنطوط يا رب يعجبكم

س: لماذا خلقت المرأة بكل هذا الجمال ؟

ج: لكي يحبها الرجل

س: ولماذا خلقت بكل هذا الغباء؟

ج: لكي تحبه

س: كيف يمارس الرجل الرياضة على شاطئ البحر ؟

ج: يشفط كرشه كلما مرت امامه فتاة بالمايوه

س: كيف يعتبر الرجل نفسه متعاونا في الاعمال المنزلية ؟

ج: ان يرفع رجليه من على الارض لتكنس الزوجة تحتهما

س: كيف يفهم الزوج تقسيم المهام مناصفة في اعمال المنزل ؟

ج: الزوجة تطبخ وهو ياكل , الزوجة تكوي الملابس وهو يكرمشها

، هي تنظف البيت وهو يوسخ

س: ما وجه الشبه بين الرجال واعلانات التلفزيون ؟

ج:ما في وحده عاقلة تصدق لاهذا ولا هذا

س: لماذا لايحسن الرجال التعبير عن احاسيسهم ؟

ج: واهم عندهم احساسس:

ما هي الحالة الوحيدة التي يطلب الرجل فيها من زوجته تناول العشاء في ضوء الشموع ؟

ج: يوم الكهرباء تنقطع

س: كيف يمكنك التمييز بين هدايا الزوج الودية , وهداياه لما يكون عامل عملة ؟

د ج: الهدايا بتكون احلى في الحاله الثانيه

س: كيف يمكن للفتاة اكتشاف روعة الحياة بدون زواج ؟

ج: ان تتزوجس: ما وجه الشبه بين الرجال والطقس ؟

ج: لايمكن تغير اي منهم الى الافضل

س: ما الفرق بين رجل في الاربعين من عمره و امرأة من نفس السن ؟

ج: المرأة تتمنى ان تنجب طفلا صغيرا لتثبت انها لا تزال شابة , بينما الرجل يحاول الزواج من طفلة صغيرة لنفس السبب

س: ما وجه الشبه بين الرجل والشهادة الكبيرة ؟

ج: بتضيعي سنين من عمرك علشان تحصلي عليها , وبعدين متعرفيش هتعملي بيها ايه

س: ماذا يحدث عندما يغطي الرجل صلعته ببعض الشعيرات الطويلة التي يسرحها بالعرض ؟

ج: تظهر الحقيقة نا صعة لامعة مع اول هرشة

س: متى يتذكر الرجل ان المرأة تفتقر للتفكير المنطقي ؟ج

: عندما تختلف معه في الراي

فوازير

إيه هو الحيوان الأخضر الصغير اللي بياكل الزلط؟

هو ابن الحيوان الأخضر الكبير اللي بياكل الزلط

. **************

إيه هو عكس تلميذات؟

Don't tell me that

**************

ليه الثعلب تخين؟

علشان التعلب Fat fat

***************

- تعرف تقول لي فرقين بين الليمون والزيتون؟

1- فيه لمونادة وما فيش زيتونادة .

2- تقدر تقول الناس لاموني لكن ما تقدرش تقول الناس زاتوني.

**************

طب تعرف تقول 5 فروق بين البطة والوزة؟

1. تقدر تحلق شعرك زلبطة لكن ما تقدرش تحلقه زلوزة

. 2. في رحاله اسمه ابن بطوطة لكن مافيش رحاله اسمه ابن وزوزة .

3. تقدر تبلبط في البحر لكن ما تقدرش تبلوز فيه .

4. كلنا نتغطى في الشتاء ببطانية لكن ما بنتغطاش بوزانية.

5. الوزة كانت زمان بطة لكن الشيطان وزها .

****************

طب تعرف تقوللي 5 فروق بين الفيل والنملة؟

1- رجل الفيل ممكن تنمل لكن رجل النمله مش ممكن تفيل

2- البيت ممكن يبقى فيه نملية لكن مش ممكن يبقى فيه فيلية .

3- تقدر تاكل سمك فيليه لكن مش ممكن تاكل سمك نمليه.

4- كل واحد له بروفيل لكن مالوش برونمله .

5- You can feel but you cannot namla

***************

- إيه عكس زمان؟

THE WOMAN

**************

وليه الكتكوت ما بيعرفش يكذب على الفرخة؟

علشان هيه اللي فقساه

مين هو الزملكاوى

أنواع الزملكاوية

النوع الاول : وراثة

النوع الثاني : خالف تعرف

النوع الثالث : بالصدفة

التشخيص:

النوع الاول :وراثة

وهم الزمالكوية الذين ولدوا في بيئة زمالكوية أو وسط زمالكاوي ... يعني ناس اتولدوا زي كل البشر ... ولكن لأن الوالد زملكاوي فتزملك هذا الطفل البرئ وتحول إلى زمالكاوي ..إذا فإن هذا النوع من الزملكوية كانوا أطفالا أبرياء ولكن الكارثة الكبرى أن والديه هم الذين جنوا عليه وزملكوه فخرج هذا البرئ إلى الحياه ليصطدم بالحقيقة المرة وهي مصائب وكوارث الزمالك وبلاويه ومشاكله التي لاتنتهي .. فماذا يفعل هذا الطفل الصغير البرئ والمجني عليه وبراءة الأطفال في عينيه وكيف يواجه تلك الكوارث الزملكوية الدائمة والمستمرة بإذن الله . يفعل مايفعله كل الزملكويه الآن من الكذب المتواصل وإذا واجهتهم بالحقيقة يجادلون ويجادلون .... تقدم لهم الأدلة والبراهين يراوغون ويتهربون ويدورون حول جوهر الموضوع ولكن دون أن يقتربوا منه .. ومش عارف ليه افتكرت فيلم : " أنا لاأكذب ولكني أتجمل "

النوع الثاني : خالف تعرف

شخصية مريضة بالفطرة .." عيب خلقي "ونسبتها أقل من نسبة النوع الوراثي .. ويعيش هذا النوع وللأسف وسط بيئة نظيفة من الأهلاوية حيث تجد أسرة بالكامل أو ربما عائلة بكاملها من الأهلوية وربما تكون قبيلة بالكامل من الأهلوية ويخرج منها شخص زملكاوي من النوع " خالف تعرف " إلا أن الله سبحانه وتعالى له في ذلك حكمة واللهم لااعتراض ... انهم مرض مثل كل الأمراض المستعصية ... إلا أن الاطباء أكدوا أن هذا النوع يأتي نتيجة " جينات متنحية " من النادر ظهورها والحمد لله ... وربما بمرور الوقت ينقرض هذا النوع

النوع الثالث : بالصدفة

وهذا النوع الزملكاوي هو الثاني من حبث الكمية بعد النوع الوراثيوهذا النوع "بالصدفة" يظهر وسط مصادفة عجيبة يكون فيها الميكروب الزملكاوي في حالة فوز أو نصر زملكاوي وبالصدفة يكون هذا الزملكاوي في مرحلة الخروج من الشرنقة ويبدأ بتشجيع الكورة فيرى أمامه فوزا زملكاويا فيتزملك المريض خصوصا وأنه في مرحلة نمو ولم يصل بعد لمرحلة النضج فيصاب بالميكروب الزملكاوي وينضم إلى هذا النوع الذي يفسره الأطباء بالطفرة البيئية وهي التي تحدث نتيجة تغيرات بيئية مفاجئة نادرا ماتحدث مثل قنبلة هيروشيما أو فوز الزمالك بالدوري

الصفات المشتركة بين الانواع الثلاثة :

أنهم مرضى نفسيين

1-عناصر تكوين الشخصية غير متجانسة وهذا سبب عقدة النقص المركب عندهم

2-السبب الثالث وهو أهم الاسباب أنهم يضعون أنفسهم في مقارنة مع الاهلي رغم عدم التكافؤ

-طرق العلاج :

1-محاولة اقناعهم بأن الزمالك درجة تانية إلا أن نسبة النجاح 1% نظرا لاستفحال المرض وتغلغله في جميع أجزاء الجسم

2-أن يتحول الزملكوية إلى أهلوية وأكد الاطباء أن هناك خطرا كبيرا من هذه المحاولة لأن الزمالكوية بعقلهم الباطن يتمنون أن يكونوا أهلاوية وهذه الطريقة من الممكن أن تأتي بنتيجة عكسية تؤدي بهم الى الاضطراب العقلي

3-أن تستطيع إدارة الزمالك التفوق على الاهلي لمدة 30 سنة متواصلة لإحداث نوع من التوازن وهذا من رابع المستحيلات

4-أن يتم شطب نادي الزمالك وتحويله إلى موقف سيارات

الى اصدقائى فقط

فــــــوازير الخطير ( جداااااااااااااااااااااااااا ) :
امتى السما يبقى لونها بتنجاني .............. لما الدنيا تبقى مسقعه
ليه القطه بتدخل عن الحلاق ............... عشان الباب مفتوح
طب ليه الأقرع بيدخل عند الحلاق ............................ عشان ياخد القطه
ليه الصيدلي بيبني عماره ........................... عشان يسكن الآلم
طب وليه العماره وقعت .......................... عشان ( بنااااادول إكسترا )
ليه قبضوا على صاحب شركه جهينه .......................... عشان ( زبادو ) متلبس
ليه القطه بتخربش ................................. عشان تكسب
ليه الأهرامات تلاته بس ........................... عشان الشلن مش هايكفى نحط واحد كمان
ليه السائح بيتصور جنب الاهرامات ...................... عشان يطلع في الشلن
ايه الفرق بين عمرو دياب و إليسا ؟؟ .....إليسا بتعمل شريط كاسيت و عمرو دياب بيعمل شريط كاراجل
ليه المنبه بيرن ..................... عشان مش معاه رصيد يتصل
ليه الام مدرسه ......................... عشان بتذاكر لولادها
عكس بالونه ايه ؟؟ ......................... نشفونا
عكس نجيب محفوظ ؟؟ .......................... نودي محفوظ
واحد بلدياتنا ماشي تحت الكوبري و رافع ايده ليه ؟ ...................عشان الكوربري مسلح
ليه الفيل بيلبش شرابات خضرا ...................... عشان خضرا بتلبس شراباته
ليه بلدياتنا بيدهن العماره بتاعه باللبن .................... عشان تبقى ملك ( Milk )
عاوزين نحط فيلين في برطمان من غير ما يلمسوا بعض نعمل ايه ؟؟ ......نحط فيل ما بينهم و نحطهم في البرطمان
عاوزين نركب 4 افيال على عجله نعمل ايه ؟؟ ........... نركب فيل و نديله البرطمان يمسكه في ايده
حكموا على صاحب شركه موبينيل احكام كتيره اوووي ليه ..... عشان بيتحاسب بالثانيه
خمسه صعايده قاعدين في اوضه كل يوم يخرج واحد ليه ...... بيلعبوا ستار ميكر
ايه وجه الشبه بين البطيخ و الشمام ............. الاتنين اجازه الحلاقين
حاجه صغيره و لونها احمر و بتاكل الزلط ......... بنت الحاجه الكبيره اللي لونها احمر و بتاكل الزلط
طب حاجه لونها اسود و بتاكل الزلط ............. ظل الحاجه الصغيره اللي لونها احمر وبتاكل الزلط
طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟ ........ نجيب الحاجه الحمرا الصغيره اللي بتاكل الزلط و نحطها في الازازه تاكل الطوبه وتطلع تاني
ليه الفراعنه ريحه بقهم حلوه ......... عشان كان عندهم ابو الهولز
ليه الفراعنه كانوا عيال ........... عشان كانوا بيرسموا عالحيطه
طب ليه ابو الهول كان وشه اصفر ......... من خوفو
طب اتنين فراعنه قعدوا عالفهوه هايطلبوا ايه ؟؟ ............ اتنين آمون و واحد حجر رشيد
خدوا بقى المفاجأه بتاعه النهارده
و بجد مش بهزر ... اللي قلبه ضعيف ميقراش الفزوره دي
قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...تبقى القطه الاولى تقول القطه السادسه يا ..... ايه

؟؟

..................................................................................................................تقولها.......................... مياو مياو !!

نكت رخمه

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين

مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أ ما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك"

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "هروح اخدها"

مرة واحد لقى اخوة الصغير حاطت لزقة طبية قالة اة الي حصلك اتعورت ولة اة قال اخوة انا اقولك على الي حصل انا كنت نايم على السرير وانا نازل منة ........قالة اخوة اكيد وقعت فتعورت ....راح الصغير قالة لا انا اقولك من الاول انا كنت نايم على السرير وانا نازل منة مشيت على السجادة ......الكبير قالة اكيد اتكعبلت فتعورت .....الصغير قالة بطل تقاطعني انا اقولك من الاول انا كنت نايم على السرير وانا نازل منة مشيت على السجادةفخرجت من الغرفة ورحت للسلم عشان انزل .........الكبير اكيد وقعت من فوقة فتعورت ........الصغير انت بتفول علية لية انا اقولك من الاول انا كنت نايم على السرير وانا نازل منة مشيت على السجادةفخرجت من الغرفة ورحت للسلم عشان انزل بعد ما نزلت رحت للتلاجة وطلعت بيض ورحت اشغل البوتوجار..........الكبير اكيد اتحرقت وانت بتولعة .........الصغير انا زهقت منك انا اقولك من الاول انا كنت نايم على السرير وانا نازل منة مشيت على السجادةفخرجت من الغرفة ورحت للسلم عشان انزل بعد ما نزلت رحت للتلاجة وطلعت بيض ورحت اشغل البوتوجار فراح الباب خبط رحت عشان افتحة ..........الكبير اكيد طلعوا حرامية وضربوك ...........الصغير ابوس ايدك بطل تقاطعني انا اقولك من الاول انا كنت نايم على السرير وانا نازل منة مشيت على السجادةفخرجت من الغرفة ورحت للسلم عشان انزل بعد ما نزلت رحت للتلاجة وطلعت بيض ورحت اشغل البوتوجار فراح الباب خبط رحت عشان افتحة طلع راجل اداني صندوق جيت افتحة ...........الكبير اكيد كان فية قنبلة عورتك .............الصغير انا مش عارف اعمل معاك اة انا اقولك من الاول انا كنت نايم على السرير وانا نازل منة مشيت على السجادةفخرجت من الغرفة ورحت للسلم عشان انزل بعد ما نزلت رحت للتلاجة وطلعت بيض ورحت اشغل البوتوجار فراح الباب خبط رحت عشان افتحة طلع راجل اداني صندوق جيت افتحة لما فتحتة لقيت جواة صندوق وجوة التاني صندوق تالت وجوة التالت صندوق رابع بفتح الرابع لقيت اللزقة دي معرفتش اعمل بيها اة فحطتها على ايدي

انا جايبلكو لغه البنات الاصليه والترجمه بتاعتها عشان محدش يفهم الدنيا غلط

.........................................نعم = ( لا طبعا )

لا = نعم ( مش عايزه فكاكه بقى )

ممكن = استحاله

انا اسفه = سامحنى علي اللي هيحصل

القرار قرارك يا حبيبى = ورينى كده هتعمل ايه

اعمل اللي انت عايزه يا حبيبي = هتدفع التمن غالى

عايزين تنناقش فى موضوع = عايزه اعرفك انا هعمل ايه

انت زى القمر النهارده = يا شيخ طب كنت احلق دقنك

خليك رومانسى واطفى النور = نام واتخمد بقى زهقتنى

انا عايزه شويه عفش فى البيت = انا هغير عفش البيت كله

انا بسمع صوت مزعج وانا نايمه = انت بتشخر يا لوح

فيه حاجات لازم نتعلمها في حياتنا = لازم تتعلم تسمع كلامى

هكون جاهزه فى دقيقه يا حياتى = اقلع هدومك واتفرج على الفيلم انا قدامى ساعه

انت بتحبنى قد ايه يا حبيبى = انا عملت مصيبه سوده النهارده

لو عملت حاجه يا حبيبى لازم اعرف = هطلع عينك لو عرفت عنك حاجه

انت سامعنى يا حبيبى = انت اطرش مش بنادى عليك يا بارد

لا عادى انا مش زعلانه = وحياه امك لتشوف

ليه القطر مهم ..................... عشان تحتيه خطين
ليه سندوتشات الكفته والبطاطس بتجري ......................... عشان وجبات سريعه
ليه اليابان معندهاش حنان ....................... عشان هي في قاره ( آسيا )
ليه البرازيل معندهاش زراعه .........................عشان هي في قاره ( لاتينيه )
حاجه بتجري وعندها راسين و 8 ارجل ............................. كلبين بيجروا جنب بعض
ليه القرد سريع ................................ عشان القرد في عين امه غزال
ليه الفيل بينزل البحر بالشورت الاحمر ........................ عشان الشورت الاخضر مش نضيف
ليه الصعيدي بيحط جنبه منبهين .......................... عشان واحد يضرب والتاني يحوش
ليه الكلب بيهوهو ............................ عشان القطه بتنونو
اول مخلوق ظهر عالارض هو الحمار الوحشي ليه ؟؟ ........................... عشان لونه ابيض واسود
حاجه ليها اربع رجلين وطايره في الهوا ........................ قطه مضروبه بالشلوت
عاوزين نطير كلب نعمل ايه ............................ نضرب في ( واحد على الكلب ) .. الكلب يطير مع الكلب
ليه النمل مش بترضي تركب الفيل قدامها عالعجله ........................... عشان بيلعب في الجرس
فرخه معلقه سلسله فيها صوره بيضه ليه ؟؟ .............................. صورتها و هي صغيره
فرخه معلقه سلسله وفيها صوره بيض اومليت ليه ؟؟ ............................. صوره اخوها الشهيد
واحد ماشي في الشارع و لابس كوتشي ابيض ليه ؟؟ ........................ عشان ماشي مع الطقم
واحد بلديتنا واقف قدام المرايا و مغمض عنيه ليه ؟؟ ......................... بيشوف شكله و هو نايم

و دي فوايز للمهندسن فقط :

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ... يكاملها تاني تبقى عجله ... يركب العجله
ليه اللبن جايب ( ض.ج ) في الرسم ؟؟ .............. عشان لما بيقطع مش بيهشّر
ليه اللبن جايب ( ض.ج ) في الرياضه ؟؟ .............. عشان لما بيــ( كامل الدسم ) بينسى يحط الثابت
اسرع نكت هاتسمعها في حياتك :
واحد بلديتنا باع التلفزيون ... و اشتري بتمنه فيديو
واحد بلديتنا اكل رغيف فينو .... نسي اسمه
واحد بلديتنا اشترى مصفاه لقاها مخرمه .... رجعها
واحد بلديتنا قلع العمه ... فقد الذاكره
جماعه بلديتنا بيلعبوا صلح بالنبابيت !
ظبطوا جماعه بلديتنا ظبطوهم بيشموا اسمنت ابيض !
8 بلديتنا ماشيين ورا بعض .. و قعوا في بلاعه واحده
2 بلديتنا بيلعبوا شطرنج الاتنين خسروا
واحد بلديتنا امتحن لوحده .. طلع التاني
مره واحد ... والتاني مامرش
مره واحد حب ..... أكلته العصافير
مره لبن شاااااااااااااط ...... جاب جون
مره لبن فار ............. كالته قطه
مره واحد بلديتنا اتكرع ..... موت سته
مره واحد بلديتنا نزل الترعه .... البلهارسيا خرجت تحلل
مره واحد بلديتنا بيتاوب ....... بلع فار
مره واحد بلديتنا نايم بيشخر ...... كسر ازاز البيت
مره واحد بلديتنا دخل في رجله مسمار مرفش يطلع ... تـناه

نكت رخمه

النهارده شويه نكت رخمه
قال المعلم لطالب سوداني دخل has في جملة مفيدة ..قال الطالب: hasبي الله ونعم الوكيل
في واحد دعى أهل المنطقة لافتتاح محله الجديد لبيع الغاز ..بدال لا يقص الشريط فجر أنبوبــتين
محشش اتصل بالإطفاء وقالهم يعنى لو مفيش حريق محدش يشوفكم؟؟
ماحد غلبان ميت من جوع قال لنذل عطني أي شي آكله جزاك الله خير .. عطاه حبوب فاتح الشهيه
بلدياتى قرصته حيه جلس يضحك تفتكر ليه؟؟؟؟ معه ايدز
واحد يسأل صديقه ويقوله اذا دخلنا الجنه وتزوجنا من الحوريات حريمنا اللي بالدنيا نعمل فيهم ايه قاله : نديهم للكفار
ويا ريت اللى عنده نكت رخمه يقول
عايز اعرف مستوى الرخامه عند كل واحد

البدايه

يا اصدقائى الاعزاء
المدونه دى مخصصه للناس الرخمه او اللى عايزه تتعلم او اللى عايزه حد يرخم عليها
مرضى السكر والضغط يمتنعون
محدش يشيلنى ذنب حد
شكرا
كل اسبوع هنختار موضوع رخم نتكلم عليه